By Pidgin Poetry
I dey look una as una dey tok sey
na old firewood dey catch fire pass.
I dey look una dey laugh.
No be sey old firewood no dey burn o.
E dey burn steady like charcoal
wey dem dey use roast corn
But I still dey look una.
I dey look una dey laugh
Paper sef dey here wit me.
She sef dey look una dey laugh.
Her sister–cloth sef dey here.
She sef join dey look una dey laugh.
Old firewood pack come area,
you dey shake like jellyfish.
Dey dia dey fear old firewood,
wey library don burn finish,
all de cloth wey dey Yaba don turn ash finish
Make I tell you something,
my sister:
For life to sweet,
trust na the main thing,
no be to dey carry firewood
for head like gele
***
Slang of the Week: I dey H
MEANING: To be hungry
ETYMOLOGY: From “H”ungy.
USAGE: “I tell you sey I dey H, you dey ask me JAMB question.
