For dis obodoyibo,
dem nor dey yarn well well.
Na only “yes” or “no” dem
dey talk
For Naija, if you ask us
weda we don chop.
Instead of to talk “yes”
we go sey:
“Why I nor go chop?
You cook egufe wey
carry bearbear like alpha,
you dey ask me weda I go chop.
Kuku talk sey because I no
get bearbear I no fit chop egufe.
Kuku talk sey you
nor like me.”
For Naija, we no dey talk “no”.
Instead, my papa go sey
“Kuku kee me!”
My mama go sey “yes, shebi
Na coconut you carry dey
Call am head”
When I ask mama where make I drop
wetin she send me,
She go say
“Put am for my head”
For Naija, we get style
for everything we dey yarn.
If person ask how body,
we nor go just sey “fine.”
We go add, “Wetin man go do?
Body dey inside cloth.”
If rain fall and e soak person,
instead make we talk sey we cold,
we go sey, “Cold wan finish me.
If I catch dat rain, I go beat am
like pikin wey chop cane.”
If you see pregnant woman,
You no go talk sey she pregnant,
You go talk sey she chop
beleful.
Na so we dey talk for Naija,
our talk nor dey straight like line,
e dey bend, e dey twist,
like road wey dey Otukpo village.
For Naija, story full ground,
words nor dey scarce,
and question and answer
dey follow dia sef dance.
You made some decent points there. I looked on the internet for the issue and found most individuals will approve with your site.
Real superb visual appeal on this web site, I’d value it 10 10.
I went over this internet site and I conceive you have a lot of wonderful information, saved to my bookmarks (:.
I like this website very much, Its a very nice post to read and get info . “Practice, the master of all things.” by Augustus Octavius.