Naija sweet die,
na just make person get money,
plenty money,
and make security dey,
plus mayguard and German shepherd
wey go dey gate,
and light sef,
make light dey,
make generator no go block person ear drum.
And water,
water wey no brown,
And good road wey no
dey give motor headache,
and hospital, de one wey doctor dey inside,
and school, as in school wey no dey strike
Plus, make we just pluck
corruption commot,
and all de bad bad leaders dem
wey nor dey look citizen face
and all de 419 people dem
wey dey deceive people anyhow,
dey collect de small food wey
ordinary people dey manage.
and all de bad bad police
wey wicked pass winch,
wey dey obtain tins pass tiff,
and all de kidnappers wey dey tiff
human beings like sey dem be bread.
Apart from only dat one,
Naija sweet die, I swear!
